Chakumpa

Zatu & Ralzam

Tuanbia

1

Duh Mang le Dar Din,

Zawl Tling le Ngan Bawm,

Tai Nam Kawng le Men Ri Hei,

Na theih tukmi

Ka hngalh tukmi

Tuanbia…

…

Na thei bal maw,

Theihtlei tuanbia…

……

…

..

.

Zatu le Ralzam!…..

Timi tuanbia………

…..

…

2

Laimi cu

min sak tik ah

chuankhan kan nei.

Lai pa/nu pakhat

Min theih cangka

Misa tu

Mizei asi

Timi hngalh khawh,

Tiah….an ti tawnmi khi…

…..

…

..

.

Asi taktak hnga maw?

3

Kap Ling cu Kap Thang minsak

Pawpi fin pa nih Tial Kap save,

Iang Rem minsatu zoh aco

Chawhrawl pa nih Dar Tlem minsa,

Buan co tawn nih Buan Ling aichal,

Do Lian cu a pu ral lian a rak do (taktak hnga maw?),

Mawng Ling misa nih fimni nei hlah (an rak dap/ri kho peng rua)?.

4

Kan chimh chin lai

I sum lo ten

Phehthuh neilo

Catiangpa

Zatu chimmi,

Kan philh kholo

Lung ah a cam………..

…………….

…………

………

……..

…..

….

…

..

.

Zatu le Ralzam tuanbia….

5

Lungrawn khua ah

Kawidua pahnih,

Lothlawh thingphurh

An celh hrimlo.

Cho tiallo le

An…… nih,

Zaangzun hna maw

An khuatlang an liam.

6

Kawl vai ramah

Siangkhan meithal,

Pu in cerhna

Keh vorh her in,

Maw kawidua hna,

Rae/lkap an tla

Antla diam ai!

Rae/lkap ah.

7

Rae/lkap pahnih

Kawi le dua lungrawn khuakhat,

Thenlo in

Thawnthawk va bang

Cho an panh,

Chuk an fuh.

Cungai hna pahnih

Bawi nawl ngaih le,

Tangdor thiam cu (anti.. hna)

8

Thenlo in battalion khat,

Company khat,

Section khat ah

Kawi le dua,

An tli ti

An le ti,

an zam chel

an dawi chel hna

9

Cu tin cu………

……….

…….

…..

….

…

..

.

Fur a dih

Thal a chuak,

Kum a liam

tuak a par,

Tluncan cu

Pensen lak can.

10

Kum sawm liam hnu

tuakpar hnu ah,

run hlam hna maw

Lungrawn khua ah

Maw kawi duahna.

11

Mihar ah dar al

Sa umlonak ah cangai zong sa,

Kawl tlawng bia le tipil bia

Kum sawm luan

An hmuh an ton

Chim nih donghlah,

Ramriahnak..

Tivakalnak..

Thitumnak..

Thutpinak ah…..,

An mah kopei paraltha tiah

Lungrawn khuaah an lar sup ai (upathnu ah)

12

Lungrawn khua ah

Bawhte pahnih

An chuakthiam, an mit a piang,

Midang nih maw minsa hna lai kaw

Chimdonglo rae/lkap tlung kawidua hna nih

An hmuhton an ralthat cu

Chuankhan in

Sa hna she an min cu..

…………….

………….

……….

……

….

…

..

.*********************

13

I ruat tungmang

Pasal min voikhat sak

Chuankhan lang ka bia le hla

A ho nih maw an theih (taktak lem)

A vun I thawh…

….

Zatu…ralza ka tuk

Tiah..i chal in..

ZATU min sa ai sing!

………

…….

….

…

..

.

14

A kawipa nang

Min vun chimve

Ai chuan ai khan

Kum sawm cuang chung

Rae/l kap chung ah

Kan zam chel an kan dawichel

Tlik le zam (lawng) pei kan rianh ko…

Tiah……

RALZAM! Min sa ai sing kaw!.

15

Anbuai ai

Lungrawn khuami

Khuami an buai

An buai taktak

Kawidua hna

An tlati an tlung ti

Battalion khat

Company khat

Section khat ah

An dingti an eiti

Anhmuh le ton

Aikhat dih.

An bia le hla

A rak I khat dih tawn….

………

…..

…

..

.

Minsak vialah

Pakhat nih ral zapei ka tuk tiah

ZATU ti ai..

..

Pakhat nih ralzam lawng pei ( kan rianh ko tiah)

RALZAM ti ai

Lung abuai

Zatu le Ralzam tuanbia

Hngalh a har zei asi (taktak)

Kawltlawng bia le tipil bia…

An tifam cu tamu…

…..

….

…

..

.

16

Kakawi ka maw

Nang le kei

Kei le nang

Ral kan zam

Hmuhphak lo

Rili ral ah

Kan ttawn kan ngerh

Tuanbia phunphun

Kan chim kan phuah

Ngun kan tlem (kho)

Dolar mui ka cuang (ai pet ti in)

Zumh le uah kan thuam sung

Duh in kan tlong.

Nu le pa

Pi le pu

Saza le fimchim tu,

Mizaran zei kan rel hna pei tiah,

Mah fahfah aw!!!….

………….

………..

……..

……

…..

…

…

Maw fahfah aw!

..

.

Kakawi,

Nang le kei

Chuankhan awk

Zeital

Kan nei maw?

Ruat ve hmanh

ZATU & RALZAM TUANBIA