CND BIAZAI

VOKSA THAU IN, VOK SA AN KIO

An hun chim peng, I ton naak ah

Ruah naak mi hleng, an rak phuh khah

Ni hlei hnih (12) ni, thla hnih (2) thla ah

Kan hun ciamh ni, a rak si khah

Kaamlo chuncha, an rak um ve

Lai pasal ttha, tthi le laang he

Ni kul (20) naak ni, thla hnih (2) thla ah

Min sen an thuut, kan Lai ram ah

An kan leem len, I fonh ding ah

Kan rak I luun, an bia hleng ah

Kan rak I fuun, ke raang sin ah

An mit a sen, kan nih sin ah

Chiah Hlun kan ngei, kan lai phung ah

An hun ttheh dih, a changchang in

Kan chiah Hlun nih, zo ti ai hlah

Kan caa a hlei, an caa a him

A tam tuk cang, hi buan chuk cho

Chokhlei Senri,, paar tthan cang uh

Va kok va pual, awn tthan cang uh

Kan ram chum tual, no cek a lo

Chokhlei nang nih, na phuan bang in

An kan kio hih, kan mah thau in

Kan chuncha cu, nan mah nan si

Lung chung muru, kan phuan a si..

PPP.

Thunder Bay.