မိုးခါးရေအောက် ကျပျောက်သွားသော တောင်ဇလပ်လေးများ (၁) မြေပြန့်လွင်ပြင်မှ တောင်တန်းများပေါ်သို့ တက်လိုက်သည်နှင့် တစ်ပြိုင်နက် အေးမြလှသည့် လေပြည်အေးနှင့်အတူ မိုးစက်မိုးပေါက်တို့၏ ပွေ့ဖက်ဆီးကြိုမှုကို စတင်ခံစားလိုက်ရသည်။ အခြားသော တောင်ပေါ်ဒေသများနှင့်မတူ တောင်ပေါ်မြေပြန့်ဟူ၍ မည်သည့်နေရာမျှ မရှိ၊ ကြည့်လေရာနေရာတိုင်းသည် မြင့်မားမတ်စောက်လှသည့် တောင်တန်းကြီးများက ဆီးကြိုကာဆီးထားသည်။ တရွေ့ရွေ့ ဖြတ်သန်းသွားနေရသည့် တောင်ပေါ်လမ်းကလေး၏ တစ်ဖက်တစ်ချက်တွင် နက်ရှိုင်းလွန်းသည့် ချောက်ကမ်းပါးကြီးများက အောက်ခြေသို့ပင် မြင်ရနိုင်ရန် မလွယ်ကူ။ ပင်လယ်ရေမျက်နှာပြင်အထက် ပေပေါင်းထောင်ကျော်သို့ ရောက်ရှိချိန်ဝယ် တောင်မြူခိုးနှင့် မိုးစက်ပွင့်တို့ ထွေးရောယှက်တင် ဖြစ်နေပြီး ရှေ့ဆီမှ တောင်ပေါ်လမ်းလေးနှင့် မြင်ကွင်းများက ဆေးသားမပီပြင်တော့သည့် ပန်းချီကားတစ်ချပ်အား စူးစိုက်ကြည့်နေရသည့် အလားနှယ်…။ ၀သန်ကာလ မိုးဥတုဖြစ်သည်နှင့်အညီ တောတန်းစိမ်းစိမ်း တောင်တန်းစိမ်းစိမ်းတို့ဖြင့် တောင်ပေါ်ရာသီဥတုသည် မိုးရေစက်များအောက်ဝယ် စိုပြည်စိမ်းလန်းနေ၏။ တောင်ပေါ်ဒေသများအတိုင်း ဥတုရာသီအလိုက် သုံးရာသီ အလှတရားတို့ဖြင့် ပြည